Jiri Proxazka jarohat oldi. U va Glover Teysheyra o'rtasidagi UFC 282 musobaqasidan o'rin olgan chempionlik jangi bekor bo'ldi

Jiri Proxazka endi yarimog'ir vazn toifasida UFC chempioni emas va u UFC 282 musobaqasida jang qila olmaydi.

Proxazka (29-3-1 MMA, 3-0 UFC) va ushbu vaznning sobiq chempioni Glover Teysheyra (33-8 MMA, 16-6 UFC) o'rtasidagi UFC 282 musobaqasining markaziy jangi bekor qilindi. Bunga sabab, Proxazkaning elkasidan jiddiy jarohat olganidir.

Proxazka mazkur jangda ishtirok eta olmasligi oydinlashgach, Magomed Ankalaev (17-1 MMA, 9-1 UFC) Yan Blachovichga (29-9 MMA, 12-6 UFC) qarshi UFC 282 musobaqasining markaziy jangida vakant qolgan kamar uchun jang qiladigan bo'ldi.

"Yarimog'ir vazn toifasida UFC chempioni Jiri Proxazka elkasidan jarohat oldi, bu jiddiy tiklanish davrini talab qiladi. Sportchilar va divizionni hurmat qilgan holda, Proxazka o'z unvonini vakant qoldirishga qaror qildi va u tibbiy ruxsat olishi bilanoq kamar uchun kurashadi", — deyiladi UFC rasmiy bayonotida.

Teysheyra nima uchun chempionlik uchun jangidan chetga chiqqani malum emas. Yahoo Sport nashrining xabar berishicha, Teysheyra chempionlik jangida qatnashishni rad etgan.

UFC 282 10 dekabr kuni Las-Vegasdagi T-Mobile Arena'da bo'lib o'tadi.

UFC 282 musobaqasining ayni damda yuzaga kelgan kardi:

Yan Blaxovich - Magomed Ankalaev - yarim og'ir vazn toifasidagi vakant chempionlik uchun

Robbi Louler - Santyago Ponzinibbio

Jared Gordon - Peddi Pimblett

Brays Mitchell - Iliya Topuriya

Filipp Lins - Ovins Sen-Pre

Dalcha Lungiambula - Edmen SHahbazyan

Drikyus Dyu Plessi - Darren Till

Kris Daukaus - Jairzino Rozenstrayk

Aleksandr Ernandes - Billi Kuarantilo

Ti Jey Braun - Erik Silva

Xoakin Bakli - Kris Kyortis

Ronni Lourens - Kemeron Sayman

Daniel da Silva - Vinisius Salvador.