Jiro d'Italiya: Yuen – ettinchi bosqich g'olibi!

Kecha ishtirokchilar Kastrovillari va Alberobello shaharlari oralig'ida tashkil etilgan ettinchi bosqich bahsida startga chiqishdi. Belgilangan 224 kilometr masofani avstraliyalik Kaleb Yuen birinchi bo'lib bosib o'tdi.

U ushbu masofani zabt etish uchun 5 soatu 35 daqiqa 18 soniya vaqt sarfladi. Ikkinchi o'rinni aynan shunday ko'rsatkich bilan kolumbiyalik Fernando Gaviriya band etdi. Irlandiyalik Sem Bennett kuchli uchlikka yakun yasadi.

Jiro D'Italiya. Ettinchi bosqich

Kastrovillari – Alberobello. 224 km

1. Kaleb Yuen (Avstraliya, ORICA-Scott) – 5.35,18

2. Fernando Gaviriya (Kolumbiya, Quick-Step Floors) – aynan shuncha vaqt

3. Sem Bennett (Irlandiya, Bora – Hansgrohe)

4. Andre Graypel (Germaniya, Lotto Soudal)

5. Yasper Styuyven (Belgiya, Trek – Segafredo)

6. Rayan Gibbons (JAR, Dimension Data)

7. Enriko Battalin (Italiya, Team Lotto NL-Jumbo) – 0,02

8. Zelig Ryudiger (Germaniya, Bora – Hansgrohe)

9. Aleksey Catevich (Rossiya, Gazprom-RusVelo)