Jizzaxda stol tennisi va gandbol bo'yicha musobaqalar tashkil etildi

Jumladan, Zarbdor tumani bolalar-o'smirlar sport maktabida stol tennisi buyicha viloyat birinchiligi bo'lib o'tdi. Bellashuvlarda shahar, tuman, ixtisoslashtirilgan bolalar-o'smirlar sport maktabi jamoalaridan jami 134 nafar sportchi ishtirok etdi. Musobaqa yakunlariga ko'ra, Viloyat sport o'yinlari va engil atletikaga ixtisoslashtirilgan bolalar-o'smirlar sport maktabi jamoasi umumjamoa hisobida birinchi o'rinni egalladi. Ikkinchi va uchinchi o'rinlar mos ravishda Zarbdor va SHarof Rashidov tumani sportchilariga nasib etdi.

Ushbu sana munosabati bilan shuningdek, Jizzax Olimpiya zaxiralari sport kollejida 2003-2004 yillarda tug'ilgan sportchilar o'rtasida gandbol bo'yicha musobaqa bo'lib o'tdi. O'g'il bolalar o'rtasidagi bellashuvlarda Jizzax Olimpiya zaxiralari sport kolleji jamoasi birinchi o'rindan joy oldi. Ikkinchi o'rinni IBO'SM-3 jamoasi egallagan bo'lsa, uchinchi o'rin IBO'SM-2 jamoasiga nasib etdi. Qizlar o'rtasida bahslarda esa IBO'SM-2 jamoasiga teng keladigan raqib topilmadi. Viloyat IBO'SM-1 jamoasi ikkinchi pog'onani band etdi. Uchinchi o'rinni esa Jizzax shahar BO'SM jamoasi egalladi.

Musobaqalar yakunida sovrindorlarga diplom, medal va esdalik sovg'alari taqdim etildi.