Jizzaxda “Yoshlar oyligi” munosabati bilan sport tadbirlari tashkil etilmoqda

O'zbekiston Respublikasi Jismoniy tarbiya va sport vazirligining 2020 yil 1 iyundagi “O'zbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash bo'yicha Respublika maxsus komissiyasi qaroriga ko'ra hududlarda sport mashg'ulotlarini tashkil etish to'g'risida”gi 645-sonli buyrug'iga asosan, viloyatimizda sport sekciyalari, to'garaklari, sport zallari va Fitnes-klublar faoliyati yo'lga qo'yilmoqda.

SHu munosabat bilan Jizzax viloyati G'allaorol tumani Jismoniy tarbiya va sport bo'limi tashabbusi bilan tuman hokimligi, tuman “Mahalla va oilani qo'llab-quvvatlash bo'limi”, “Yoshlar ittifoqi” tuman kengashi bilan hamkorlikda “Yoshlar oyligi” munosabati bilan “Sog'lom hayot uchun 5000 qadam” shiori ostida piyoda yurish marafoni bo'lib o'tdi.

Keksa faxriylarni hamda yoshlarni jismoniy tarbiya mashg'ulotlariga keng jalb etish hamda ularni jismoniy chiniqtirish maqsadida tashkil etilgan tadbirda 100 nafardan ortiq yoshlar, 50 nafardan ortiq keksa faxriylar ishtirok etdi.

Dastlab, ishtirokchilar soat 7:00 da “Sog'lom hayot uchun 5000 qadam” shiori ostida tuman markazi “Mustaqillik” ko'chasi bo'ylab 2 km masofani piyoda yurib o'tdilar. SHundan so'ng barcha ishtirokchilar tuman bolalar-o'smirlar sport maktabi futbol o'yingohida ertalabki badantarbiya mashg'ulotlarini bajarishdi.

Tadbirdan so'ng faol ishtirok etgan keksa faxriy va yoshlar hamkor tashkilotlar tomonidan taqdirlandi. Tadbir yakunida so'ng keksa nuroniylar va yoshlar o'rtasida davra suhbati tashkil etildi.