Joshuaning murabbiyi: "Unga doim buni eslatib turamiz"

SHu bilan birga Garsiya Joshuani ukrainalik bokschiga qarshi jiddiy tayyorgarlik ko'rgani va mutlaq jahon chempionligini maqsad qilganini takidladi.  

"Hammasi ajoyib. Biz bu jangga qattiq tayyorgarlik ko'rdik. Joshua barcha kamarlarni qo'lga kiritmoqchi. Buni amalga oshirish uchun u birinchi navbatda Usikni mag'lub etishi kerak. Entoni jangga jiddiy tayyorgarlik ko'rdi va aytilgan vazifalarni g'ayrat bilan bajardi. 

U ko'plab jang videolarini ko'rib, ancha narsa o'rgandi. SHunday ekan bizda hammasi joyida. Biz dekabrdan beri jangga tayyorgarlik ko'rayapmiz. Joshua jang kuni ajoyib kayfiyatda ringga ko'tariladi va o'z ishini bajaradi. U nima qilish kerakligini biladi. Men va butun jamoa bundan xursandmiz.

Usik doim ajoyib bokschi bo'lgan. U mening sport zalimda revansh jangiga tayyorgarlik ko'rdi. Biz ularga hazil qilamiz. Ammo, tan olish kerak ular o'z ishining ustalari", - dedi Robert Garsiya.

Entoni Joshua va Aleksandr Usik o'rtasidagi revansh jangi 20 avgust kuni Saudiya Arabistonining Jidda shahrida bo'lib o'tadi.

Eslatib o'tamiz, bokschilar o'rtasidagi ilk jang 2021 yilning oktyabr oyida Nottingem (Buyuk Britaniya) shahrida o'tkazilgan bo'lib, o'shanda Aleksandr Usik Joshuani ochkolar hisobida mag'lub etgandi.