Joys: "Men Usikka katta muammolar tug'diraman"

Britaniyalik bokschi Jo Joys Entoni Joshua va Aleksandr Usik revanshi haqidagi fikrlari bilan o'rtoqlashdi. Bokschining so'zlariga ko'ra, ikkinchi jangda ukrainalik bokschi favorit.

"Birinchi jangda Usik ajoyib jang qildi. Men shunga o'xshash yoki undan ham yaxshiroq jang ko'rishni orziqib kutaman".

Bundan tashqari, Joys Usik bilan bo'lishi mumkin bo'lgan ehtimoliy jang haqida gapirdi.

"Men Usikka katta muammolar tug'diraman. Bu jangda uslublar jang qiladi. Menimcha, mening uslubim u bilan raqobatlashishga juda mos. Men tomondan doimiy bosim bo'lsa, jang ajoyib bo'ladi", — Joysning so'zlarini keltiradi SecondsOut.

Eslatib o'tamiz, Joys Usik bilan jang qilishi mumkin edi, biroq ularning muzokaralari muvaffaqiyatsiz yakunlandi, chunki ukrainalik bokschi Joshua bilan chempionlik kamari uchun jang qilishga rozi bo'ldi.