"Kamargacha bir qadam qoldi". SHahram G'iyosovning navbatdagi raqibi va jang sanasi malum + POSTER

Unga ko'ra. charm qo'lqop ustamiz 17 iyun kuni AQSHda amerikalik Xarold Kalderonga qarshi WBA Eliminator jangida ringga ko'tariladi.

"Assalamu alaykum, yurtdoshlar. Xudo xohlasa, jangim 17 iyun kuni AQSHda bo'lib o'tadi. Raqibim amerikalik engilmas sportchi - 27-0. Nasib qilsa, uni mag'lub etganimdan keyin chempionlik jangiga bir qadam qoladi", - deb yozdi G'iyosov o'zining Instagram sahifasida.

G'iyosovning raqibi amerikalik Xarold Kalderon faoliyati davomida 27 ta jang o'tkazgan va ularning barchasida g'alaba qozongan. Raqiblarini 18 ta jangda muddatidan avval mag'lubiyatga uchratgan. O'n ikki raundlik jang g'olibi WBA chempionlik kamari uchun rasmiy va majburiy davogarga aylanadi. 

Eslatib o'tamiz, bokschimiz so'nggi jangini o'tgan yilning 8 may tongida Las-Vegas shahrida meksikalik Kristian Gomesga qarshi o'tkazib, ochkolar hisobiga ko'ra g'alaba qozongan edi. Bu SHahram uchun professional faoliyatidagi 13-jangdagi 13-g'alabasi bo'lgandi.  

G'iyosov aynan bir yil oldingi jangida yarim o'rta vazn (66,6 kg) toifasida IBF North American SHimoliy Amerika mintaqaviy chempionlik kamarini qo'lga kiritgandi.