Kamaru Usman doping bilan bog'liq muammoni esladi

"Odamlar doimo meni ayblashadi. CHunki hech qachon o'zim haqimda so'zlab bermaganman. Ular oshqozonimda beshta chandiq borligini ko'rsatib, meni ranjitadilar. 

Bu voqeani aytib berishga uyalganman. Kollejning birinchi yilida qo'llarim va oshqozonimda toshmalar paydo bo'ldi va men har doim mashg'ulotdan so'ng darhol dush qabul qiladigan ozoda odamga aylanganman. Keyinchalik toshmalardan qon oqa boshladi va bu normal holat emasligini tushundim", — dedi Usman Jo Roganga bergan intervyusida.

Usmanning so'zlariga ko'ra, u shifokorga murojaat qilgan va havotir oladigan hech narsa yo'qligini aytishgan.

"SHifokorlar toshmalarga tegishni taqiqlashdi. Ular vaqt o'tishi bilan yo'qolib ketishini aytishgan edi. Lekin mening ahmoqligim tufayli toshmalar qonay boshladi. Endi mening oshqozonimda chandiqlar bor va odamlar meni doping istemol qilganlikda ayblashadi. Garchi men taqiqlangan moddalarni istemol qilmagan bo'lsam ham. Raqiblarim ichida bundaylar bor", — deya qo'shimcha qildi Usman.

Eslatib o'tamiz, Usman - Edvards jangi 21 avgust kuni bo'lib o'tgan va bahs yakunlanishiga bir necha soniya qolgan bir paytda Leonning nokautli g'alabasi bilan yakunlangan edi.