Kamaru Usman - Leon Edvards jangiga zaxira varianti aytildi

Oqshom doirasida yarimo'rta vazn toifasida amaldagi chempion, britaniyalik Leon Edvards ushbu kamarning sobiq sohibi Kamaru Usmanga qarshi oktagonga ko'tariladi. Ochkolar hisobiga ko'ra yutqazayotgan Leon jang yakunlanishiga bir necha soniya qolgan bir paytda nokaut evaziga g'alabani ilib ketgan edi.

Malumotlarga qaraganda, Usman 18 mart kungi janggacha jarohatidan to'liq forig' bo'lib ulgurmasligi mumkin. Bu holatda uning o'rnini ketma-ket uchta jangda yutqazgan (ikkitasi chempionlik jangi) Xorxe Masvidal egallashi mumkin ekan. 

Bu jangga qiziqish yuqori. Bunga sabab ham bor. Leon va Xorxe 2019 yilning mart oyida aynan Londonda o'tgan UFC Fight Night 147 turniri doirasida oktagondan tashqarida urishib ketishgan va Edvards hatto jarohat ham olgandi. SHundan so'ng tashkilot Leon - Xorxe jangini tashkil etishga urindi. O'tgan yili ular oktagonda ro'baro' kelishlari kerak edi. Ammo Masvidalning jarohati bunga imkon bermagandi.