Kamaru Usmanning mag'lubiyati hamda beshta "finish" qayd etilgan UFC Fight Night 281 turnirining barcha natijalari

UFC Fight Night 281 turnirining asosiy jangi o'rta vazn toifasida tashkil etilib, unda Janubiy Afrika Respublikasi vakili Drikus Dyu Plessi o'zi singari sobiq tashkilot chempioni nigeriyalik Kamaru Usmanni hakamlarning yakdil qarori bilan 50-45, 49-46, 49-46 hisoblarida mag'lub etdi. 

O'tgan yilning avgust oyida Xamzat CHimaevga qarshi bahsda chempionligini boy berganidan beri birinchi marta oktagonga qaytgan Drikus Dyu Plessi jangdan keyingi intervyusida kamarni qaytarib olish niyatida ekanini aytdi.

Turnirning co-main event, yani ahamiyati jihatidan ikkinchi muhim jangi ham o'rta vazn toifasida o'tkazildi. Unda Kristian Leroy Dankan Jared Kannonir bilan hisob-kitob qildi. To'liq uch raund davom etgan bahsda Dankan nomdor raqibini hakamlarning yakdil qarori evaziga mag'lubiyatga (29-28, 30-27, 30-27) uchratdi. Bu Kristian Leroyning ketma-ket qo'lga kiritgan beshinchi g'alabasi bo'ldi.  

Boshqa natijalardan CHeyz Xuper, Tommi MakMillen, Felipe Franko, Richard Xarris va Dioni Barbosaning muddatidan oldin g'alabalarini qayd etish mumkin.

UFC Fight Night 281 turnirining barcha natijalari:

Asosiy kard janglari

Drikus dyu Plessi Kamaru Usmanni ochkolar hisobiga ko'ra yutdi (50-45, 49-46, 49-46)

Kristian Leroy Dankan Jared Kannonirni hakamlarning yakdil qarori bilan taslim etdi (29-28, 30-27, 30-27)

CHeyz Xuper Mitch Ramirezni sabmishn (ortdan bo'g'ish) qildi – 1-raund, 2:15

Fatima Klayn Tabata Richchini ochkolar bo'yicha mag'lubiyatga uchratdi (30-27, 30-27, 30-27)

Tommi MakMillen Alberto Montesni texnik nokaut evaziga mag'lub etdi (zarbalar) – 3-raund, 3:29

Prelim kard janglari

Xose Delgado Ostin Bashani ochkolar hisobiga ko'ra engdi (30-27, 29-28, 29-28)

Jan-Pol Lebosnoyani Sok Xyon Koni hakamlar qaroriga ko'ra taslim etdi (29-28, 29-28, 29-28)

Felipe Franko Levi Rodrigesni texnik nokaut (zarbalar) qildi – 2-raund, 1:40

Ezra Elliott Demien Andersonni ochkolar hisobiga ko'ra mag'lubiyatga uchratdi (30-27, 29-28, 29-28)

Olden Koria Styuart Nikoll ustidan zafar quchdi (29-28, 30-27, 30-27)

Richard Xarris Elvin Xaynsni texnik nokaut (zarbalar) evaziga yutdi – 1-raund, 1:40

Dioni Barbosa raqibasi Anna Melisanoni sabmishn (ortdan bo'g'ish) qildi – 1-raund, 4:04