Kamonchilarimizning Olimpiada yo'llanmasi uchun imkoniyatlari muhokama qilindi

Gollandiyada o'tgan jahon chempionati vakillarimiz uchun omadsiz kelgan bo'lsa ham terma jamoamiz vakillarida shu yilning 21-29 noyabr kunlari Tailandning Bangkok shahrida o'tadigan Osiyo chempionati orqali yakkalik, kelasi yil Germaniyaning Berlin shahrida esa jamoaviy yo'nalishda Olimpiada yo'llanmasini qo'lga kiritish imkoniyati mavjud. 

Kecha O'zbekiston Milliy olimpiya qo'mitasida vakillarimizning mazkur musobaqaga olib borayotgan tayyorgarligi, merganlarimizning musobaqaga qanday sport formasida etib borayotgani bo'yicha O'zbekiston kamondan otish federaciyasining hisoboti bo'lib o'tdi. 

Hisobotda O'zbekiston kamondan otish federaciyasi rahbari Otabek Imamov vakillarimizning bo'lajak musobaqaga olib borgan tayyorgarligi, Osiyo chempionatidan nimalar kutilayotgani haqida gapirib berdi. 

SHuningdek, yig'ilish davomida federaciya faoliyatida yuzaga kelayotgan muammolar, sportchilarni zarur tibbiy vositalar bilan taminlash masalalariga ham atroflicha to'xtalib o'tildi. 

Malumot uchun, shu paytgacha turli musobaqalar orqali Janubiy Koreya, Hindiston, Xitoy, Xitoy Taipeyi, Qozog'iston, Indoneziya, Yaponiya (mezbon sifatida) kabi etakchi terma jamoalarda Tokio Olimpiadasining licenziyalari mavjud. Mazkur jamoalar yakkalik va jamaoviy bahslarida licenziya uchun kurashda ishtirok etishmaydi. SHunday ekan hamyurtlarimizda bu borada juda ham qulay imkoniyat bor.