Kamondan o'q otish bo'yicha terma jamoamiz Osiyo kubogida sovrindor bo'ldi

Mazkur musobaqada O'zbekiston terma jamoasi vakillari ham ishtirok etishdi. Quvonarlisi, hamyurtlarimiz musobaqaning miks yo'nalishida bronza medallariga ega chiqishdi.

Amirxon Sodiqov va Ziyodaxon Abdusattorovadan iborat tarkibimiz dastlab Iroq termasini 5:1 hisobida mag'lub etishdi. CHorak final bosqichida esa hamyurtlarimiz Tokio-2020 olimpiadasi g'olibi sanalmish Janubiy Koreya termasidan 6:2 hisobida ustun kelishdi.

Afsuski, yarim final bosqichida vakillarimizga biroz omad etishmadi va ular Xitoy Taipeyi mamlakati vakillariga 4:5 hisobida mag'lub bo'lishdi. Bronza medallari uchun kechgan bahsda hamyurtlarimiz Bangladesh termasi vakillarini 5:3 hisobida enggan holda Osiyo kubogi sovrindorlari safidan joy olishdi.