Kamondan otish. Merganlarimiz Tojikistondagi musobaqada muvaffaqiyatli qatnashishdi

Tojikiston ochiq chempionati sifatida tashkil etilgan musobaqada Markaziy Osiyo mamlakatlaridan 100 dan ortiq sportchi o'z omadini sinab ko'rdi. Etiborlisi, mazkur musobaqada o'zbekistonlik merganlar muvaffaqiyatli qatnashdilar.

Yoshlar o'rtasida o'tkazilgan bahslarda Mirjalol Karorov birinchi o'rinni qo'lga kiritdi. Erkaklar o'rtasidagi bellashuv yakuni bo'yicha barcha sovrinli o'rinlarni terma jamoamiz vakillari bo'lishib olishdi. Unga ko'ra, birinchi o'rinni Yo'ldosh Xayitov qo'lga kiritgan bo'lsa, Mustafo Karimov va Keldiyor Hasanov mos ravishda ikkinchi va uchinchi o'rinlarni egalladi.

Yosh kizlar o'rtasidagi bahslarda Zulxumor Tojialieva birinchi, Saodat Abdullaeva esa uchinchi o'ringa sazovor bo'ldi. Mikst bahslarida Zulxumor Tojialieva bilan ishtirok etgan Yo'ldosh Xayitov shohsupaning eng yuqori pog'onasiga ko'tarildi.