Kaneloning Golovkin bilan trilogiyadan so'ng kim bilan jang qilmoqchi ekani aytildi

"Nima uchun siz bu yigitni buyuk bo'lishga harakat qilayotgani uchun tanqid qilmoqchisiz? Aslida siz: "Bu jangni qabul qilma, u juda ham kuchli", - deb aytgansiz. Bu qanday sport turi bo'ldi o'zi, jangchilarni katta chorlovlarni qabul qilgani uchun tanqid qilsak?

U boshqacha yo'l tutmoqchi, o'zini sinab ko'rmoqchi. Seni mag'lub etishsa: "Bu dahshatli xato. Sen bunday qilmasliging kerak edi. O'z vazningda engilroq jangda ishtirok etishing kerak edi", - deyishadi. Qanday zerikarli.

Bu hamma ishni qoyillatib bo'lgan yigit. Biz uning buyuklikka harakat qilayotganini hurmat qilishimiz kerak. U Golovkin bilan jang qilish uchun qaytadi, keyin darhol Bivol bilan revansh jangini o'tkazmoqchi. Agar u Bivolni mag'lub etsa, unda nima deymiz? U barcha davrlarning eng buyuk jangchilaridan biridir", - deya Xirnning so'zlarini keltiradi BoxingScene nashri.

Eslatib o'tamiz, Saul Alvares so'nggi bor 8 may tongida Dmitriy Bivolga qarshi, Gennadiy Golovkin esa 9 aprel kuni Rioto Murataga qarshi jang qilgan edi.

Avvalroq, Eddi Xirn surerog'ir vaznning tarixdagi eng yaxshi bokschilari ro'yhatini tuzib chiqqan edi.