Karate: bugun Osiyo chempionlari aniqlanadi

Xabar berganimizdek, kecha poytaxtimizdagi “O'zbekiston” sport majmuasida karate WKF bo'yicha kattalar o'rtasida Osiyo chempionatining yakkalik kumite va kata bahslariga start berilgan edi.

Bugun esa mazkur yo'nalishlarda medallar uchun janglar o'tkaziladi. Xabaringiz bor, kechagi saralash bahslaridan keyin 4 nafar sportchimiz Osiyo chempionligi uchun kurashish imkoniyatiga ega bo'ldi. Bular – Sadriddin Saymatov, Bahriniso Boboeva, Sevinch Rahimova hamda Nodira Jumaniyozova.

Quyida vakillarimizning final janglaridagi raqiblari bilan tanishing:

Erkaklar:

-60 kg: Sadriddin Saymatov – Rafael Akbarov (Qirg'iziston)

Ayollar:

-50 kg: Bahriniso Boboeva – Mixo Miyaxara (Yaponiya)

-55 kg: Sevinch Rahimova – Travat Haksar (Eron)

-68 kg: Nodira Jumaniyozova – Jorjiya Zefanya (Indoneziya)

SHuningdek, bugun terma jamoamiz azolaridan Javohirbek Abdusattorov (-55 kg), Dostonbek Otabolaev (-75 kg) hamda Abdulaziz Otaboev (-84kg) o'z vazn toifalarida bronza medali uchun kurash olib boradi.

Eslatib o'tamiz, ushbu Osiyo chempionati bir vaqtning o'zida Tokio-2020 yozgi Olimpiya o'yinlari uchun licenzion turnir vazifasini ham o'tab beradi.