Karate. Osiyo chempionatidan 13 ta medal bilan qaytishyapti

O'smirlar va yoshlar (14 yoshdan 20 yoshgacha) hamda kattalar (20 yoshdan yuqori) o'rtasida tashkil etilgan qita chempionatida Osiyoning 30 ta davlatidan 700 nafardan ziyod karatechilar tatamiga chiqishdi.

Qita chempionatida O'zbekiston terma jamoasi ham to'liq tarkib bilan ishtirok etdi. Terma jamoamiz tarkibidan 41 nafar sportchi joy olgan bo'lib, yakunda karatechilarimiz tomonidan jami 13 ta medal qo'lga kiritildi.  

Terma jamoamizga so'nggi medalni -60 kg vazn toifasida tatamiga chiqqan Sadriddin Saymatov keltirdi. Finalga qadar mag'lubiyatsiz etib borgan hamyurtimiz oltin medal uchun kechgan bahsda amaldagi jahon chempioni bo'lgan eronlik raqibiga yutqazib qo'ydi.

Barcha sovrindorlarimiz:

14-15 yoshlilar o'rtasida: 

-54 kg. Dildora Aliqulova (kumush)

-47 kg. Bonu Egamberdieva (bronza)

Durdona To'raqulova (yakka kata, bronza)

-70 kg. Islom Sattorov (bronza)

16-17 yoshlilar o'rtasida:

-48 kg. Nasiba Norboeva (bronza)

-53 kg. Mohichehra Yangiboeva (bronza)

18-21 yoshlilar o'rtasida

+68 kg. Aybibi Ahmedova (kumush)

-55 kg. Zulxumor Tursunalieva (bronza)

-61 kg. Dildor Annadurdieva (bronza)

-84 kg. Abdullaziz Atabaev (bronza)

Kattalar o'rtasida:

-60 kg. Sadriddin Saymatov (kumush)

-50 kg. Baxriniso Boboeva (bronza)

-67 kg. Sanjar Abdukarimov (bronza)