Karate WKF bo'yicha O'zbekiston kubogining ochilish marosimi bo'lib o'tdi + FOTO

Turizm va sport vazirligi hamda O'zbekiston karate milliy federaciyasining yillik taqvim rejasiga asosan o'tkazilayotgan ushbu musobaqada Qoraqalpog'iston Respublikasi, Toshkent shahri va yurtimizning aksariyat viloyatlaridan 1 300 nafarga yaqin sportchilar g'oliblik uchun bahs olib borishmoqda.

Kecha musobaqaning tantanali ochilish marosimi o'tkazildi. Unda Turizm va sport vaziri o'rinbosari Avazjon Karimov, Milliy olimpiya qo'mitasi raisining birinchi o'rinbosari Ravshan Ermatov, MOQ Bosh kotibi Oybek Kasimov va boshqalar ishtirok etishdi.

Tadbirda so'zga chiqqan Turizm va sport vaziri o'rinbosari A.Karimov so'nggi yillarda karate sporti yurtimizda tobora ommalashib borayotgani, shu bilan bir qatorda sportchilarimiz ham xalqaro maydonlarda sezilarli yutuqlarni qo'lga kiritib kelishayotganini takidladi. Bunga misol tariqasida yaqinda Rossiya Federaciyasining Qozon shahrida o'tkazilgan birinchi MDH o'yinlarida yurtimiz karatechilari ham muvaffaqiyatli ishtirok etishgani, jumladan terma jamoamiz azolari bitta oltin, ikkitadan kumush va bronza, jami 5ta medalga sazovor bo'lishgan holda O'zbekiston sport delegaciyasining umumjamoa hisobida faxrli 2-o'rinni qo'lga kiritishlariga munosib hisa qo'shganligini etirof etdi.

SHuningdek, tadbir doirasida I MDH o'yinlarida g'olib va sovrindor bo'lgan karatechilarning trenerlariga pul mukofotlari sertifikatlari topshirildi.

Takidlash joiz, mazkur musobaqa terma jamoamiz murabbiylari uchun shu yil dekabr oyida Qozog'istonning Alma-ata shahrida bo'lib o'tadigan o'smirlar, yoshlar va kattalar o'rtasidagi Osiyo chempionati, shuningdek noyabr oyida BAAning Dubay shahrida tashkil etiladigan kattalar o'rtasidagi Jahon chempionatiga eng munosib sportchilarni saralab olish imkonini beradi.

O'zbekiston kubogi bahslari 19 sentyabrga qadar davom etadi.