Karatechilarimiz Parijda, ular Tokio-2020 yo'llanmalari uchun kurash olib boradi

SHu maqsadda O'zbekiston karate WKF terma jamoasi azolari Toshkent-Moksva-Parij yo'nalishi orqali “modalar Vatani”ga jo'nab ketishdi.

Eslatib o'tamiz, hozircha karatechilarimiz Yaponiyada bo'lib o'tadigan XXXII yozgi Olimpiya o'yinlariga bironta ham yo'llanma olishmagan va Parijdagi kvalifikacion turnir bu yo'lda ular uchun so'nggi imkoniyat sanaladi.

Parijdagi musobaqaga O'zbekiston delegaciyasi quyidagi tarkibda jo'nab ketdi:

Bahodir Mamatnazarov – delegaciya rahbari,

Dilnoza bakirova – bosh trener,

O'ktam Bekpo'latov – trener,

Sadriddin Saymatov (-67 kg) – sportchi,

Dostonbek Otabolaev (-75 kg) – sportchi,

Jahonshox Ibrohimov (+75 kg) – sportchi,

Bahriniso Boboeva (-55 kg) – sportchi,

Sevinch Rahimova (-61 kg) – sportchi,

Dildora Aliqulova (+61 kg) – sportchi,

Bahriddin Ahmedov – shifokor,

Husan Turg'unov – massajchi.

SHuningdek, musobaqada ikki nafar hakamimiz ham ishtirok etadi. Bular – Azizbek Bo'riev hamda Alisher Qilichev.

Turizm va sport vazirligi ushbu kvalifikacion turnirda o'zbekistonlik sportchilarga omad tilaydi. Umid qilamizki, musobaqa yakunida Tokio-2020 Olimpiadasiga qo'lga kiritilgan licenziyalarimiz soni ortadi.