Karatechilarimiz so'nggi o'quv-mashg'ulot yig'inini o'tkazmoqda

Murabbiylar Dilnoza Bakirova hamda O'ktam Bekpo'latovlar boshchiligida o'tkazilayotgan ushbu o'quv-mashg'ulot yig'inida barcha tajribali terma jamoa azolari ishtirok etmoqda. Albatta, yaratib berilayotgan sharoitlar va etiborga karatechilarimiz o'zlarining ijobiy natijalari bilan munosib javob berishadi, degan umiddamiz.

O'zbekiston Milliy Olimpiya qo'mitasi hamda Sport yakkakurashlari bo'yicha Respublika oliy sport mahorati maktabi tomonidan tashkil etilgan ushbu yig'in qizg'in davom etmoqda. Kuni kecha Milliy Olimpiya qo'mitasi xodimi Hikmat Toshmatov hamda Sport yakkakurashlari bo'yicha Respublika oliy sport mahorati maktabi direktori Bahodir Mamatnazarov mashg'ulotlarga tashrif buyurib, terma jamoa azolari bilan uchrashdi va ular bilan o'zaro suhbat olib bordi.

Bir so'z bilan aytganda, sportchilarimizga o'ziga xos motivaciya berish bilan birga sharoitlar bilan yaqindan tanishib chiqdi. SHubhasiz, bunday etibor terma jamoamiz azolariga ruhan dalda beradi.

Ushbu yig'inga 16 nafar sportchi jalb etilgan bo'lib, mashg'ulotlarni uch nafar murabbiy olib bormoqda.

Eslatib o'tamiz, Franciyadagi yakuniy licenzion turnirda o'z vazn toifalarida 1-3-o'rinni egallagan sportchilar Tokio olimpiadasi yo'llanmalarini qo'lga kiritishadi.