Karatechilarimiz Tokiodagi Premier League musobaqasidan bronza medali bilan qaytishdi

Bahslarda ishtirok etgan sportchilarimiz yurtimizga bitta bronza medali bilan qaytib kelishdi. Bu haqida O'zbekiston karate Milliy federaciyasi matbuot xizmati xabar qilmoqda.

Musobaqada -67 kg vazn toifasida yurtimiz sharafini himoya qilgan Iqboljon Uzoqov Franciya, Avstriya, Qozog'iston vakillarini mag'lubiyatga uchratdi. Yarim finalda esa turkiyalik raqibga imkoniyatni boy berib qo'ydi. Bronza medali uchun janglarda Ukraina va Franciya karatechilaridan ustun keldi va bronza medali egasiga aylandi.

Nufuzli turnir g'olibligiga asosiy davogar sanalgan hamyurtimiz, 2017 yilda jahonning eng yaxshi karatechisi sifatida etirof etilgan Sadriddin Saymatov avvaliga gonkonglik raqibini mutlaq ustunlik bilan mag'lub etgandi. Ikkinchi bosqichda franciyalik raqibga qarshi o'tkazilgan bahsda esa u jarohat oldi va musobaqadagi ishtirokini yakunladi.

Bahslarda qatnashgan Sanjar Abdukarimov, Dastonbek Atabolaev, Baxriniso Babaeva, Barno Mirzaeva kabi karatechilarimiz sovrindorlar qatoridan o'rin olmagan bo'lsalarda, yakunda o'zlari uchun muhim bo'lgan reyting ochkolarini ishlab oldilar. Ushbu reyting ochkolar orqali sportchilar Tokio 2020 Olimpiya o'yinlari licenziyasini qo'lga kiritishlari mumkin bo'ladi.