Katta karvon olimp sari yo'lga chiqdi

Ayniqsa, yuqori marralarni ko'zlayotgan sportchi va murabbiylar nazorat musobaqalaridan tortib, rasmiy turnirlargacha natijalarni tahlil qilib borishadi. Jumladan, Oybek Jumanazarov rahbarlik qilayotgan Navoiy viloyati Yakkakurash sport turlariga ixtisoslashtirilgan sport maktabi jamoasi ham bu bo'yicha o'z ananalariga ega.  

Birgina 2023-2024 o'quv yillari davomida sport maktabi tarbiyalanuvchilari tomonidan O'zbekiston chempionati va kubogi bahslarida 26 ta oltin, 28 ta kumush va 52 ta bronza medali qo'lga kiritilgani quvonarli. 

SHuningdek, qita miqyosidagi xalqaro musobaqalarda 11 ta oltin, bir kumush va 9 ta bronza medallari navoiylik yosh sportchilar qilichbozlik bo'yicha Bahrayn davlatida o'tgan Osiyo chempionatida sport maktab shpaga ustalari terma jamoamizga bronza medalini taqdim etdi. 

Bundan ruhlangan navoiylik qilichbozlar Toshkent shahrida kattalar o'rtasida o'tgan O'zbekiston chempionatida jamoa bahslarida oltin medalga erishishdi. Kamol Axtamov, Emil Kagirov, Meyirxan Timurov hamda Aleksandr Pushkin bu g'alabaga munosib ulush qo'shishdi.

Iqtidorli kurashchi Xo'jaqul Ergashev esa o'smirlar o'rtasida tashkil etilgan sambo bo'yicha respublika birinchiligida shohsupaning eng yuqorisidan joy egalladi. SHunigdek, u Qozog'istonning Aktau shahri mezbonlik qilgan Osiyo chempionatida 3-o'rinni qo'lga kiritdi va sport ishqibozlarini xushnud etdi.

Samarqandda esa karate WKF bo'yicha Markaziy Osiyo chempionati tashkil etilib, unda sport maktabi tarbiyalanuvchisi Sayyora Hamidova kumush medal sohibasiga aylandi. SHuningdek, para dzyudochilar ham Para Osiyo o'yinlari hamda Paralimpiya o'yinlariga yo'llanmani qo'lga kiritish, tatamida shov-shuvli va matonatli g'alabalarga erishish yo'lida mashg'ulotlarda faollik ko'rsatishmoqda.

Sport maktabi mamuriyati ko'magida dzyudo va para dzyudo bo'yicha o'quv mashg'ulot yig'inlari tashkil etilmoqdaki, bu rasmiy musobaqalar oldidan juda foydali. SHuningdek, yaqinda ommaviylikni oshirish, iqtidorli o'quvchilar bilan birgalikda sportni targ'ib qilish maqsadida “O'zbek polvonlari mahallalarda” shiori ostida qator davra suhbatlari va mahorat saboqlari tashkil qilindi. Ularda 300 nafar yosh sportchi hamda  mahallalarda yashovchi 1000 nafarga yaqin o'g'il-qiz qatnashdi. 

Tadbirlar davomida iqtidorli sportchilar, para dzyudochilar hamda ularning murabbiylari Navoiy viloyat hokimligi, viloyat sport boshqarmasi hamda sport maktabi mamuriyati tomonidan qimmatbaho sovg'alar bilan taqdirlandi. CHempionlarning ota-onalariga esa minnatdorlik ramzi sifatida tashakurnomalar taqdim etildi. 

Sport maktabida ko'plab bo'lajak olimpiadachilar kamolga etayotganiga ishongingiz keladi. Masalan, yaqinda mahoratli dzyudochi Laziza Haydarova Germaniyaning Bremen shahri mezbonlik qilgan "Bremen masters" xalqaro turnirida 48 kg vazn toifasida oltin medalga erishdi.

U 21-22 iyun kunlari Rossiya Federaciyasining Qozon shahrida Xalqaro Briks o'yinlarida faxrli 1-o'rinni egallab, muxlis va mutaxassislarning etiborini o'ziga qaratdi. Yunon-rum kurashi ustasi Islomjon Rahmatov kattalar o'rtasidagi Respublika saralash musobaqasida g'olib bo'lib, terma jamoadagi o'rnini mustahkamladi.

Otabekjon Hasanov esa Eron Islom Respublikasining Tehron shahrida kurash sport turi bo'yicha kattalar o'rtasida o'tkazilgan XIII Osiyo chempionatida 1-o'rinni qo'lga kiritdi. Xabaringiz bor, 2025 yil poytaxtimizda o'smirlar o'rtasida Osiyo o'yinlari o'tishi belgilangan. Bundan tashqari, 2028 yil navbatdagi yozgi Olimpiada tashkil etiladi. 

Ushbu yirik sport anjumanlarida munosib ishtirok etish, qitaning “kichik va katta Olimpiada medallar bilan muxlislarni xushnud qilish trenerlar va iqtidorli sportchilar oldidagi ustuvor vazifa sanaladi.

Bunga esa sport maktabi mamuriyati, fidoiy murabbiylar va sportchilar ahillikda aniq chora-tadbirlar orqali intilishmoqda. Zero, Olimpiadaga yo'l mashaqqatli. Garchi, 2028 yilgi yozgi Olimpiya o'yinlariga hali to'rt yil fursat bo'lsa-da, tayyorgarlik cikli hozirdanoq boshlangan.

Bu esa yakka kurash ustalariga muzaffariyat bayrog'ini baland hilpiratish, xalqaro maydonlarda O'zbekiston madhiyasini baralla kuylash, sportsevar xalqimizni esa shonli g'alabalar bilan xushnud etish saodatini, baxtini taqdim qiladi.