Kechagi zilzila Hindistonda ham sezildi. Jahon chempionati ishtirokchilari mehmonxonadan evakuaciya qilingan

Epicentrga yaqin Surxondaryo viloyatida 6, Toshkentda esa 5 ballik shkalada zilzila qayd etilgandi. Ushbu er qimirlashi Hindistonning Nyu-Deli shahrida ham sezilgan. Boks bo'yicha ayollar o'rtasidagi jahon chempionati tashkilotchilari zudlik bilan ishtirokchilarni mehmonxonadan evakuaciya qilishgan. 

Bu haqda Rossiya boks federaciyasi matbuot xizmati xabar bermoqda. Keyinchalik tahlikali vaziyat ortda qolgach, bokschilar yana o'z xonalariga qaytishgan. Nyu-Delida zilzila kuchi qancha bo'lgani haqida malumot berilmagan. 

Eslatib o'tamiz, 26 martga qadar davom etadigan va 12 vaznda chempionlar aniqlanadigan jahon chempionatida O'zbekiston ayollar terma jamoasi ham ishtirok etyapti.