"KELES OPEN-2022”da O'zbekiston karatechilari umumjamoa hisobida birinchi bo'lishdi + FOTO

Mazkur musobaqada qo'shni Qozog'iston, Qirg'iziston va Tojikiston Respublikalaridan shuningdek, mamlakatimizning Andijon, Xorazm, Qashqadaryo, Surxondaryo, Sirdaryo, Toshkent viloyatlari hamda Toshkent shahridan jami 550 nafardan ortiq sportchi-yoshlar g'oliblik uchun tatamiga chiqishdi.  

Murosasiz tarzda o'tgan bellashuvlarning yakuniy natijalariga ko'ra, yurtimiz karatechilari umumjamoa hisobida eng ko'p medallar jamg'arib,  faxrli birinchi o'rinni qo'lga kiritishdi. Ikkinchi o'rinni Tojikiston yoshlari egallagan bo'lishsa, uchinchi o'rin Qozog'iston vakillariga nasib etdi. 

Quvonarlisi, Toshkent tumani Bolalar-o'smirlar sport maktabi hamda "Keles karate" klubi shug'ullanuvchilari Saidislom Saidakbarxo'jaev va Azizbek Islombekovlar o'z vazn toifalarida chempionlik kamariga ega bo'lishdi.

G'olib va sovrindorlar  diplom, medal va qimmatbaho esdalik sovg'alari bilan mukofotlanishdi. 

Takidlash joiz, mazkur musobaqani yuqori saviyada o'tishida yaqindan yordam bergani uchun tashkilotchilar barcha hamkorlarga, jumladan Toshkent tumani hokimligiga, Toshkent viloyati karate federaciyasiga, O'zbekiston davlat jismoniy tarbiya va sport universitetiga,xususan, universitetning Xalqaro kurash turlari nazariyasi va uslubiyati kafedrasi mudiri, O'zbekistonda xizmat ko'rsatgan murabbiy SHuhrat Arslonov, dzyudo bo'yicha xalqaro toifadagi sport ustasi, Osiyo chempioni Farhod To'raev, dzyudo bo'yicha Olimpiya o'yinlari sovrindori Abdulla Tangrievlarga alohida minnatdorlik bildirishdi.

Ilhom RAHMONOV tayyorladi