Kelesda karate bo'yicha "Keles Open" xalqaro turniri o'tkazildi FOTOGALEREYA

O'zbekiston Respublikasi yoshlar siyosati va sport vazirligi, Toshkent viloyati yoshlar siyosati va sport bosh boshqarmasi, Toshkent tumani hokimligi, viloyat karate federaciyasi va qator hamkor tashkilotlar ko'magida o'tkazilgan musobaqada qo'shni davlat sportchilari ham tatamiga chiqishdi.

O'zbekiston Respublikasi Prezidentining 2017 yil 3 iyuldagi "Jismoniy tarbiya va ommaviy sportni rivojlantirish chora-tadbirlari to'g'risida"gi qarori hamda 5 ta muhim tashabbusning ikkinchi tashabbusi ijrosini taminlash maqsadida tashkil etilgan mazkur musobaqada mamlakatimizning barcha hududlaridan hamda qo'shni Qozog'iston va Tojikiston davlatlardan 5 yoshdan 18 yoshgacha bo'lgan 600 nafardan ziyol karatechilar g'oliblik yo'lida bahs olib borishdi. 

Yuqori saviyada tashkil etilgan mazkur to'rtinchi ananaviy musobaqani "Keles Karate" sport klubi rahbari, musobaqa bosh kotibi Dilshod Yusupov va xalqaro toifadagi hakam Sanjar Maqsudov boshchiligidagi 30 nafar hakamlar boshqarib borishdi.

Ikki kun davom etgan murosasiz bellashuvlarning yakuniy natijalirga ko'ra, umumjamoa hisobida faxrli birinchi o'rinni Toshkent viloyati jamoasi qo'lga kiritdi. Ikkinchi o'rinni Xorazm viloyati karatechilari egallagan bo'lsa, uchinchi o'rinlar Sirdaryo va Namangan viloyati jamoalariga nasib etdi.

Barcha vazn toifalaridagi g'olib va sovrindorlar diplom, medal va qimmatbaho esdalik sovg'alari bilan taqdirlanishdi. 

Ilhom RAHMONOV tayyorladi