Kelvin Gastelum SHavkat Rahmonovning "vyzov"iga javob berdi

Bu xabardan keyin qozog'istonlik SHavkat Rahmonov uni yangi diviziondagi ilk jangidayoq qarshi olishini aytgandi. Gastelum Rahmonovning ushbu chorloviga javob qaytardi.  

"Menga bu "vyzov" yoqadi va uni hurmat qilaman. Lekin u biroz zerikarli ko'rinadi. Ozgina tezkorlik qo'shsa yaxshi bo'lardi. Aynan shunday janglarni qadrlayman. Bu jang menga okeandagi akulalar qatorida erkin suzishimga yordam beradi. Suz yoki okean tubiga g'arq bo'l. 

Adashmasam, SHavkat reytingning beshinchi yoki oltinchi pog'onasidan joy olgan. Bo'lajak jangdagi g'alaba meni kamar uchun yaqinlashtiradi. Uning "vyzov"iga bir hafta bo'ldi. O'sha paytda men tatilda va o'z ishlarim bilan band edim. Endi bu chaqiruvni rasman qabul qilish fursati etdi. SHavkat Rahmonov, men sening yarimo'rta vazndagi chorlovingni qabul qildim. Jang sanasini men belgilayman. Dana Uayt matbuot anjumanida 16 sentyabr kuni Las-Vegasda o'tkaziladigan katta turnir haqida gapirgandi. Bu sana Meksika mustaqilligi kuniga to'g'ri keladi. Asl kelib chiqishim meksikalik bo'lganim uchun ham shu kungi turnirda jang qilishdan umidvorman. Kel, buni amalga oshiramiz. Men sening "vyzov"ingni qabul qildim, SHavkat!", - dedi Gastelum.

Eslatib o'tamiz, 31 yoshli Kelvin Gastelum yarimo'rta vazn toifasidagi so'nggi jangini 2016 yilning iyul oyida Joni Xendriksga qarshi o'tkazib, ochkolar hisobiga ko'ra g'alaba qozongandi. SHu yilning aprel oyida u ketma-ket ikkita mag'lubiyatdan so'ng oktagonga qaytib, Kris Kyortisdan ustun kelgandi. Ayni paytda u o'rta vazn toifasi UFC reytingida 11-o'rinni egallab turibdi.

28 yoshli SHavkat Rahmonov shu yilning mart oyida Jeff Nilni uchinchi raundda bo'g'ish usuli bilan taslim etgandi. Bu uning UFC oktagonida muddatidan avval ketma-ket qo'lga kiritgan beshinchi g'alabasi edi.