Kikbokschilarimiz Qirg'izistondan medallar shodasi bilan qaytishdi + FOTO

Havaskor va professional yo'nalishda o'tgan bellashuvlarda Rashid Akalbaev murabbiyligidagi o'zbekistonlik sportchilar ham ringga chiqishdi. Professional janglarda ishtirok etgan hamyurtlarimizdan 5 nafari o'z vazn toifalarida xalqaro turnir g'olibligini qo'lga kiritishdi. 

Abdusalom O'rinov (57 kg), Sohibjon G'oyipov (60 kg), Ulug'bek Ikromov (63.5 kg), Botir Umirzoqov (67 kg) va Komiljon Rahimbekov (86 kg) xalqaro turnirning oltin medaliga sazovor bo'lishdi. 

Havaskorlar o'rtasidagi musobaqada yurtimiz sharafini himoya qilgan kikbokschilarimizdan Usmon Mirzohidov (60 kg) 14-15 yoshli ishtirokchilar orasida shohsupaning eng yuqori pog'onasiga ko'tarildi. Aynan shu yosh toifasining 54 kg vazndagi bahslarida Doniyor Abdukabirjonov bronza medali bilan taqdirlandi.