Kikbokschilarimiz Turkiyadagi nufuzli xalqaro turnirda ishtirok etmoqda

Unda O'zbekiston kikboks terma jamoasi azolari ham ishtirok etadi.

SHu maqsadda yaqinda mamlakatimiz kikbokschilari Islom Karimov nomidagi Toshkent xalqaro aeroportidan Istanbul shahriga uchib ketishdi.

12-15-may kunlari o'smirlar, yoshlar va kattalar o'rtasida bo'lib o'tadigan ushbu nufuzli musobaqada jahonning 50dan ortiq davlatidan jami 3 300 nafar sportchi g'oliblik uchun bahs olib borishi kutilmoqda.

Unda Vatanimiz sharafini 62 nafar sportchi 6ta yo'nalishda himoya qilishadi. SHuningdek, mamlakatimiz sport delegaciyasi tarkibidan trenerlar, hakamlar, kuzatuvchilar va delegaciya rasmiylarini qo'shib hisoblaganda jami 75 kishi o'rin olgan.

Sportchilarimizga bo'lajak musobaqalarda Vatanimiz bayrog'ini yanada yuqoriga ko'tarishida omad tilaymiz.