09 iyu 23:27
Yangiliklar

Boks/MMA, Kikboksing

Kikbokschimiz SHer Mamazulunov professional boksdagi ilk jangini o'tkazdi

Bugun Rossiyada Hardcore ligasining navbatdagi turniri bo'lib o'tdi.

Ushbu turnirda hamyurtimiz SHer Mamazulunov Ablkadir Gadjievga qarshi ligadagi, qolaversa professional boksdagi debyut jangini o'tkazdi. To'rt raundga mo'ljallangan jang oxirigacha davom etdi.

Afsuski, hamyurtimiz debyut jangida mag'lubiyatga uchradi. Mamazulunov jangda ochkolar hisobiga ko'ra imkoniyatni boy berib qo'ydi.

Eslatib o'tamiz, SHer Mamazulunov bundan avvalgi jangini 12 fevral kuni, Sergey Ponomarevga qarshi o'tkazib, mag'lub bo'lgan edi.

Malumot uchun, hamyurtimiz kikboksingdagi professinal faoliyati davomida 47 ta jang o'tkazib, 38 ta g'alabaga erishgan, sakkiz bor mag'lubiyat alamini totgan.