Konkabaevning Jalolov bilan jang qilmaganiga sabab pulmi?

Youtube platformasidagi "NeKARAte" kanali muallifi Stanislav Sokolov Bahodir Jalolovning "kichik jahon chempionati" deb nomlanuvchi "Stranja" xalqaro turnirida raqiblari unga qarshi jang qilishdan bosh tortganiga munosabat bildirdi.

Musobaqa davomida 3 nafar bokschi Jalolovga qarshi janglarda ishtirok etishdan bosh tortgan edi. CHorak finalda jarohati sabab qozog'istonlik Kamshibek Konkabaev jangga chiqmagan bo'lsa, yarim finalda ozarbayjonlik Muhammad Abdullaev ringga chiqmaslikka qaror qilgandi. Jalolovga finalda armanistonlik Davit CHaloyan raqiblik qilishi kerak edi, biroq u ham jangga chiqmaslikni afzal bildi.

"Raqiblar "Katta o'zbek" bilan jang qilishdan bosh tortishadi. Nega? Tushuntiraman. Albatta, ular yutqazishi va shu bilan birga, jarohat olishi ham mumkin, degan tushuncha bor. "Askarlar"ingizga g'amxo'rlik qiling, tamom. "Stranja"dagi chek ham katta emas. Ular xafa bo'lishni xohlamaydilar. Jalolov sparringga chiqadi, sparring sheriklar burni singan holda qaytib ketishadi. 

To'lqin Qilichev bilan gaplashganimizda, u sparringga jangchilarni rozi bo'lishi juda qiyinligini aytdi. "Baxa" sizga ikkita - chuqur va uzoq vaqt qoladigan zarba beradi. SHuning uchun hech kim boks tushishni xohlamaydi. Jarohat olishdan qo'rqishadi", - dedi Sokolov.