11 jan 11:57
Yangiliklar
Boks/MMA
Konor Makgregor: 60 soniyada Poreni nokaut qilaman!
Ikki vaznda sobiq UFC chempioni Konor Makgregor yana bir bor Dastin Porega qarshi o'tkaziladigan jangi xususida fikr bildirdi.
Konor Makgregor - Dastin Pore revansh jangi 23 yanvar kuni Abu-Dabidagi "Janglar oroli"da bo'lib o'tadi. "Etixad Arena"da o'tkaziluvchi bu to'qnashuv UFC 257 turnirining markaziy jangi bo'ladi.
"Menga Dastin yoqadi. O'ylashimcha, u nafaqat yaxshi, balki buyuk jangchi. Lekin baribir saviya, daraja jihatidan menda pastda. Men Poreni 60 soniya ichida nokautga uchrataman", — deya Makgregorning so'zlarini keltirmoqda MMAJunkie.
Eslatib o'tamiz, Konor va Dastin o'rtasidagi ilk jang 2014 yilning sentyabr oyida o'tkazilib, o'shanda Makgregor raqibini birinchi raundning o'zida nokautga uchratgan edi. Konor faoliyati davomida 22 g'alaba va 4 mag'lubiyat, Pore esa 26 g'alaba va 6 mag'lubiyat qayd etgan.
Havola :
Manba : championat.com
Fikrlar
Bir birlarini xaqorat qilmanglar