Koreyada jang o'tkazadigan bokschilarimiz tarozidan muvaffaqiyatli o'tishdi + FOTO

FW1 promouterlik kompaniyasi tomonidan tashkil etilayotgan ushbu boks oqshomida "Favzul Munavvar" promouterlik klubining 5 nafar charm qo'lqop ustasi ham ringga ko'tariladi. 

Avval xabar berganimizdek, kechaning markaziy jangida hamyurtimiz SHahzodbek SHarobiddinov (5-1) koreyalik Son Kvan Liga qarshi ringga chiqadi. O'n raundlik jang g'olibi WBA Asia kamariga ega bo'ladi. 

Bugun bokschilar tarozidan o'tish marosimida hozir bo'lishdi. SHahzodbek belgilangan vazn (57.15 kg) meyorini birinchi urinishdayoq bajardi. U roppa-rosa 57 kg vazn qayd etdi. Kvan esa ikkinchi urinishda ortiqcha 600 gramm vazndan halos bo'la oldi.  

Afsuski, SHahbozbek Tolibjonovning jangi bekor qilindi. Boisi, uning filippinlik raqibi jarohat olgani bois, jangda ishtirok eta olmaydigan bo'ldi. Qolgan bokschilarimiz tarozidan muvaffaqiyatli o'tib olishdi. Doniyorbek Hayitalievning raqibi Abdulla Nig'matov asli o'zbekistonlik bo'lib, hozirda Koreya Respublikasi sharafini himoya qilmoqda.  

Ertangi jang juftliklari:

67 kg vaznda 4 raundlik jang: Doniyorbek Hayitaliev - Abdulla Nig'matov (Koreya Respublikasi) 

59 kg vaznda 6 raundlik jang: Sirojbek Ismoilov - In Ho CHoy (Koreya Respublikasi)

53.5 kg vaznda 6 raundlik jang: Husniddin Maraimov - In Su Jang (Koreya Respublikasi)

74 kg vaznda 6 raundlik jang: Egamberdi Nuriddinov - Dae Xyun Baek (Koreya Respublikasi)

57.15 kg vaznda 10 raundlik jang: SHahzodbek SHarobiddinov - Dong Kvan Li (Koreya Respublikasi)