29 jan 15:24
Yangiliklar

Tennis

Kreychikova va Sinyakova qatorasiga ikkinchi yil ham Australian Open g'olibalari!

Melburn shahrida yakuniga etib borayotgan "Katta Dubulg'a" turkumiga kiruvchi Avstraliya Ochiq chempionatining ayollar o'rtasidagi juftlik bahslarida ham g'olibalar aniqlandi.

To'qson daqiqa davom etgan hal qiluvchi final uchrashuvida chexiyalik tennischilar - Barbora Kreychikova va Katerjina Sinyakova yaponiyaliklar - SHuko Aoyama hamda En SHibaxara tandemini mag'lubiyatga uchratishdi - 6/4, 6/3.

Etiborlisi, ushbu juftlik o'tgan yili ham Australian Open turnirida bosh sovrinni qo'lga kiritishgan edi. Kreychikova/Sinyakova hamkorligi 3 ta eys, 2 ta qo'shxato va 4 ta breykni rasmiylashtirishdi.

Bu ularning faoliyatlaridagi ettinchi "Katta Dubulg'a" turniri bosh sovrini bo'ldi. Kreychikova va Sinyakova 2000 reyting ochkosin hamda 695,000 Avstraliya dollari miqdoridagi mukofot puliga ham ega chiqishdi.