Kutilmagan natijalarga boy Dushanbe "Katta Dubulg'a" turniri yakuniga etdi

Mukofot jamg'armasi 154 000 evroni tashkil qiluvchi ushbu musobaqada dunyoning 5 qitasi, 65 davlatidan jami 390 nafar (204 erkak, 186 ayol) dzyudochi medallar hamda Parij-2024 Olimpiadasi yo'lidagi qimmatli reyting ochkolari uchun tatamiga chiqdi. 

Nufuzli turnirning so'nggi kuni og'ir vazn toifasida bellashuvlar tashkil etildi. Erkaklar -90, -100, +100 kg, ayollar esa -78 va +78 kg vazn toifalarida o'zaro bellashishdi. Uch kunlik murosasiz bahslar yakuniga ko'ra biroz kutilmaganda SHveycariya terma jamoasi 2 ta oltin va 2 ta kumush medal bilan umumjamoa hisobida birinchi o'rinni egalladi. Afsonaviy Teddi Riner +100 kg vazn toifasi finalida mezbonlar vakili Temur Rahimovni ippon bahosi bilan engib, yana bir bor shohsupaning eng yuqori pog'onasiga ko'tarildi. 

Avstriya terma jamoasi 2 ta oltin, 1 ta kumush medal bilan ikkinchi o'rinni band etgan bo'lsa, italiyalik dzyudochilar 2 ta oltin, 1 ta bronza medali bilan kuchli uchlikka yakun yasashdi. Mezbonlar 1 ta oltin, 3 ta kumush, 3 ta bronza medali bilan 4-o'rinni egallashdi. Top-10`talikdan Germaniya, Franciya, Mo'g'uliston, Yaponiya, Kanada va Turkmaniston terma jamoalari joy olishdi.

Dushanbe "Katta Dubulg'a" turnirida etakchi dzyudochilarsiz qatnashgan O'zbekiston terma jamoasiga yagona bronza medalini Muhammad Jumaev (-73 kg) taqdim etdi. Bu esa terma jamoamizning musobaqani 18-o'rinda yakunlashini taminladi.    

Dushanbe "Katta Dubulg'a" turnirining so'nggi kun g'olib va sovrindorlari:

-90 kg vazn toifasi

1. Mansur Lorsanov (AIN)

2. Devid Klammert (CHexiya)

3. Ju Yop Han (Koreya Respublikasi)

3. Muhammadjon Abdujalilzoda (Tojikiston)

-100 kg vazn toifasi

1. Jennaro Pirelli (Italiya)

2. Daniel Eyx (SHveycariya)

3. Jafar Kostoev (BAA)

3. Jahongir Majidov (Tojikiston)

+100 kg vazn toifasi 

1. Teddi Riner (Franciya)

2. Temur Rahimov (Tojikiston)

3. Denis Batchaev (AIN)

3. Losseni Kone (Germaniya)

Ayollar 

-78 kg vazn toifasi

1. Anna-Mariya Vagner (Germaniya)

2. Alina Boem (Germaniya)

3. Emma Reyd (Buyuk Britaniya)

3. Bita Pakut-Klojko (Polsha)

+78 kg vazn toifasi

1. Asya Tavano (Italiya)

2. Kinga Volchjak (Polsha)

3. Ursula Hofmann (Polsha)

3. Hyon Ji Li (Koreya Respublikasi)