Lazizbek va Abdumalikda g'alaba, Jasurbek esa kuchli bokschi oldida chorasiz qoldi. Jahon chempionatining beshinchi kuni yakunlandi!

Bugungi kun doirasida uch nafar o'zbekistonlik bokschi jang qildi:

Kunduzgi dasturda:

-92 kgda 1/16 final jangi: Lazizbek Mullojonov - Marlo Xartado (Kolumbiya), (Hakamlarning yakdil qarori bilan).

Kechgi dasturda:

-57 kgda 1/16 final jangi: Abdumalik Xalokov - Kevin Alikok (Gayana), (Hakamlarning yakdil qarori bilan).

-80 kgda 1/16 final jangi: Jasurbek Yo'ldoshev - Huseyn Iashish (Iordaniya), (Hakamlar qarori bilan).

SHunday qilib, O'zbekiston ilk mag'lubiyatni qabul qilib oldi. Jasurbek Yo'ldoshevning keyingi faoliyatiga omad tilagan holda, ajoyib jang uchun minnatdorchilik bildiramiz.

MATNLI TRANSLYACIYA

20:02. Afsuski, ilk mag'lubiyat O'zbekistonda. Ammo Jasur "ko'cha tili" bilan aytganda "dostoynyy" jang qildi.

19:57. Ikkinchi raunddan so'ng hisob 4:1, hamyurtimiz foydasiga. Ana bo'lmasa)

19:52. Ilk raund yakunlandi, hisob - 3:2 raqib foydasiga.

19:49. Jasurbek Yo'ldoshevning iordaniyalik raqibiga qarshi jangi start oldi.

19:26. Endi navbat Jasurbekka! Yana bitta jangdan so'ng B ringida.



19:04. O'zbekistonning g'alabalari davom etadi. Abdumalik Xalokov ham ilk jangini g'alaba bilan boshladi.

18:59. Jangning ikkinchi raundi ham tugadi. Abdumalik ancha o'ziga ishongan holda harakatlanmoqda, va bu o'z samarasini ham bermoqda. Ammo, shunday bo'lsa-da, gayanalik bokschi ham o'zini yo'qotib qo'yayotgani yo'q. Hisob 4:0, Xalokov oldinda.

18:54. Birinchi raund yakunlandi, hisob 4:1, Abdumalik foydasiga.

18:50. Kun doirasidagi ikkinchi bokschimiz o'z jangini o'tkazish uchun ringga chiqmoqda. Abdumalik Xalokov - Kevin Alikok.

16:10. Kundazgi dasturdan o'rin olgan janglar yakunlandi. Ikki soatlik tanaffus elon qilindi arenada.



16:08. Jang yakunlandi, chiroyli va ishonchli g'alaba Lazizbekda. Hamyurtimiz nimchorak final masalasini hal qildi.

16:04. Nisbatan sokinroq o'tgan ikkinchi raund ham yakuniga etdi. Hisob 5:0 ekanicha qolmoqda.

16:00. Birinchi raund yakunlandi, to'liq ustunlik Lazizbekda. Hisob ham shunga yarasha - 5:0.

15:56. Mullajonovning jangi start oldi.

15:55. Lazizbek Mullajonov nimchorak final yo'lida ringga chiqib kelmoqda.

15:44. Yana bitta jangdan so'ng Lazizbek ringga chiqadi.

15:30. Assalomu alaykum, qadrli boks muxlislari. JCHning beshinchi kuni doirasidagi o'zbek bokschilarining ishtiroki start olish arafasida.