Лазизбек ва Абдумаликда ғалаба, Жасурбек эса кучли боксчи олдида чорасиз қолди. Жаҳон чемпионатининг бешинчи куни якунланди!

Бугунги кун доирасида уч нафар ўзбекистонлик боксчи жанг қилди:

Кундузги дастурда:

-92 кгда 1/16 финал жанги: Лазизбек Мулложонов - Марло Хартадо (Колумбия), (Ҳакамларнинг якдил қарори билан).

Кечги дастурда:

-57 кгда 1/16 финал жанги: Абдумалик Халоков - Кевин Аликок (Гайана), (Ҳакамларнинг якдил қарори билан).

-80 кгда 1/16 финал жанги: Жасурбек Йўлдошев - Ҳусейн Иашиш (Иордания), (Ҳакамлар қарори билан).

Шундай қилиб, Ўзбекистон илк мағлубиятни қабул қилиб олди. Жасурбек Йўлдошевнинг кейинги фаолиятига омад тилаган ҳолда, ажойиб жанг учун миннатдорчилик билдирамиз.

МАТНЛИ ТРАНСЛЯЦИЯ

20:02. Афсуски, илк мағлубият Ўзбекистонда. Аммо Жасур "кўча тили" билан айтганда "достойный" жанг қилди.

19:57. Иккинчи раунддан сўнг ҳисоб 4:1, ҳамюртимиз фойдасига. Ана бўлмаса)

19:52. Илк раунд якунланди, ҳисоб - 3:2 рақиб фойдасига.

19:49. Жасурбек Йўлдошевнинг иорданиялик рақибига қарши жанги старт олди.

19:26. Энди навбат Жасурбекка! Яна битта жангдан сўнг Б рингида.



19:04. Ўзбекистоннинг ғалабалари давом этади. Абдумалик Халоков ҳам илк жангини ғалаба билан бошлади.

18:59. Жангнинг иккинчи раунди ҳам тугади. Абдумалик анча ўзига ишонган ҳолда ҳаракатланмоқда, ва бу ўз самарасини ҳам бермоқда. Аммо, шундай бўлса-да, гаяналик боксчи ҳам ўзини йўқотиб қўяётгани йўқ. Ҳисоб 4:0, Халоков олдинда.

18:54. Биринчи раунд якунланди, ҳисоб 4:1, Абдумалик фойдасига.

18:50. Кун доирасидаги иккинчи боксчимиз ўз жангини ўтказиш учун рингга чиқмоқда. Абдумалик Халоков - Кевин Аликок.

16:10. Кундазги дастурдан ўрин олган жанглар якунланди. Икки соатлик танаффус эълон қилинди аренада.



16:08. Жанг якунланди, чиройли ва ишончли ғалаба Лазизбекда. Ҳамюртимиз нимчорак финал масаласини ҳал қилди.

16:04. Нисбатан сокинроқ ўтган иккинчи раунд ҳам якунига етди. Ҳисоб 5:0 эканича қолмоқда.

16:00. Биринчи раунд якунланди, тўлиқ устунлик Лазизбекда. Ҳисоб ҳам шунга яраша - 5:0.

15:56. Муллажоновнинг жанги старт олди.

15:55. Лазизбек Муллажонов нимчорак финал йўлида рингга чиқиб келмоқда.

15:44. Яна битта жангдан сўнг Лазизбек рингга чиқади.

15:30. Ассалому алайкум, қадрли бокс мухлислари. ЖЧнинг бешинчи куни доирасидаги ўзбек боксчиларининг иштироки старт олиш арафасида.