Lennoks Lyuis Usikka mag'lubiyatsiz ketishni maslahat berdi

Ayniqsa, u o'z faoliyatini davom ettirish uchun kuchli ichki ehtiyojni his qilmasa.

"Inson qachon dam olishini o'zi hal qilishi kerak, - dedi Lyuis Sky Sports’ga bergan intervyusida. - U bu turtkini, ketish istagini sezishi kerak. Men senga aytaman: istagan vaqtingda ketaver, lekin buni men qilganimdek, cho'qqida turib amalshga oshir. Albatta, bu juda qiyin, chunki sen boksda eng yaxshi bo'lishni, barcha kamarlarni ushlab turishni va birinchi raqamli bo'lishni xohlaysan. Unutma, har doim bu vaziyatni o'zgartirmoqchi bo'lgan raqiblar bor. Ular kutishyapti, seni engishni istashyapti, har biri seni mag'lub etgan birinchi bokschi bo'lishni xohlashyapti. SHuning uchun, cho'qqida turib ketish haqida qayg'urish kerak".

Eslatib o'tamiz, Lennoks Lyuis 2003 yilda WBC chempionlik kamari sohibi sifatida faoliyatini yakunlagan edi. Bungacha u promouter Don King hamda sankciya beruvchi tashkilotlar bilan kelishmovchiliklar tufayli yo'qotgan WBA va IBF kamarlariga ham egalik qilgan (o'sha paytda WBO kamari unchalik obro'li hisoblanmagan).