22 dek 09:35
Yangiliklar

Tennis

Lyorner Ten Yoshlar ATP Yakuniy turniri g'olibi!

Teglar : Lyorner Ten Next Gen ATP Finals

Saudiya Arabistonining Jidda shahri mezbonlik qilgan tennis bo'yicha Next Gen ATP Finals turniri yakuniga etdi.

Musobaqa bosh sovrini amerikalik Lyorner Tenga nasib etdi. Qatorasiga ikkinchi yil ham finalga etib kelgan dunyoning 28-raketkasi bu safar o'z niyatiga etdi. O'tgan yili u finalda mag'lubiyatga uchragan edi.

Kechagi finalda Lyorner ATP reytingida 116-o'rinni egallab turgan belgiyalik Aleksandr Bloksni 4/2, 4/1, 4/3(3) hisobida mag'lubiyatga uchratdi. Tennischilarning o'zaro uchrashuvlaridagi hisob muvozanati tiklandi - 1:1.

Bir soatu bir daqiqa davom etgan bahsda Ten 1, Bloks 7 ta eys zarbasini amalga oshirgan. Ikkala tennischi ham 1 tadan qo'shxatoga yo'l qo'ydi. Breyklar bo'yicha ustunlik chempion tomonida bo'ldi - 2 ga 0.

20 yoshli Ten Yoshlar Yakuniy ATP turnirida chempion bo'lgan ikkinchi amerikalik tennischiga aylandi. Ungacha Brendon Nakashima 2022 yilda ushbu turnirda chempion bo'lgandi. Next Gen ATP Finals turniridagi muvaffaqiyat unga 502 250 AQSH dollar keltirdi.