Madinabonu Mannopova: "Yig'inda yaratib berilgan sharoitlar uchun rahbariyatga minnatdorchilik bildiramiz"

5 yanvarda boshlangan mazkur yig'in bugun yakuniga etdi. Ushbu yig'inda qatnashgan Madinabonu Mannopova  O'zbekiston taekvondo WT associaciyasi matbuot xizmatiga o'z fikrlarini bildirdi. 

"Umuman olganda yig'in yaxshi o'tdi. Asosan jismoniy tayyorgarlikka ahamiyat berildi, toza havoda yugurish mashqlarini bajardik, trenajer zalida shug'ullandik. Barcha sharoitlar alo darajada bo'ldi. Buning uchun barcha taekvondochilar nomidan rahbariyatga minnatdorchilik bildirib qolaman. Mana shunday sharoitlar yaratib berilgani uchun xalqaro musobaqalarda munosib ishtirok etishga bor kuchimiz bilan harakat qilamiz. 

Ukrainalik sportchilar ham biz bilan birga yig'inda ishtirok etishdi. Ular bilan tajriba almashish qiziq bo'ldi. Mehmonlarga yurtimizning so'lim tabiati juda manzur bo'ldi", - deydi Madinabonu Mannopova.