Madrid "Masters" 1/4 finalchisi Rimda 182-raketkaga yutqazib qo'ydi

BNL d'Italia turnirining ilk saralash bosqichida dunyoning 69-raketkasi bo'lib turgan xitoylik CHjichjen CHjan kutilmaganda ATP reytingida 182-pog'onadan joy olgan italiyalik Franchesko Maestrelliga imkoniyatni boy berib qo'ydi - 5/7, 6/2, 5/7.

CHjan yakshanba kuni yakuniga etgan Madrid "Masters" turnirining chorak finaliga qadar etib borib, katta shov-shuv ko'targan edi. U bu natijasi bilan "Masters" turnirlari 1/4 finalida o'ynagan birinchi xitoylik tennisga aylangandi. 

Tennischilarning o'zaro ilk uchrashuvi 2 soatu 49 daqiqa davom etdi. CHjichjen CHjan 2, Maestrelli 6 ta eys zarbasini ijro etgan. Ikkala tennischi ham 6 tadan breykni amalga oshirgan. Endi u Internazionali BNL d'Italia turnirining asosiy to'riga chiqish uchun ispaniyalik Pedro Martines bilan hisob-kitob qiladi.