Madrimov-Soro trilogiyasi bo'ladimi? To'lqin Qilichev javob berdi

To'lqin Qilichev Isroil Madrimov-Mishel Soro trilogiyasi bo'lishi mumkinmi degan savolga javob berdi.

"Madrimov-Soroning birinchi jangida yosh, shijoat, tayyorgalik jihatidan imkoniyat bizda ko'proq edi. Murabbiy sifatida aytishim mumkinki, gong bahona qilinadigan taqdirda ham Isroil keyingi raundda baribir o'z maqsadiga etardi. Avvalo Alloh biladi. Lekin katta ehtimol bilan keyingi raundda jangni yakunlagan bo'lardi.  Biz hamma jihatlarni solishtirib ko'ramiz, tahlil qilamiz. Uchrashuvdan oldin ham Isroil favorit ekanligini bilardik. 

Revansh esa Isroil eng uzoq muddat tayyorlangan jang bo'ldi. Vaziyat shunday bo'ldi: AQSHga borganidan keyin Bivol bilan mashg'ulot o'tkazdi, jang ortga surilib uzoqroq tayyorgarlik jarayoniga tushib qoldi. Bularning barchasi Madrimovga qo'l keldi va tayyorgarlik ko'ngildagidek o'tdi. Man shu 2 raund orasida kimni kim ekanligi bilindi. Vaqt hamisha Soroga qarshi edi, yoshi ham katta. Bizdagi maqsad kuchliroq edi. Ikki raundda Isroil yaqqol favorit ekanligini ko'rsatdi. Endi bizga Soro bilan ringga chiqishning qizig'i yo'q. Trilogiya WBA'ga ham DAZN, Matchroomga ham kerak emas. Soro va uning jamoasidan boshqa hech kimga qiziq emas. Lekin Soroning jamoasida sud orqali bo'lsa ham uchinchi jangni o'tkazish huquqi bor. Ammo bizning jamoa bunday fikrda emas. O'rtada bir nechta kelishuvlar bor, shular hal qilinib Soro Isroilni qo'yib yuboradi degan umiddaman. Boshqa tarafdan olib qaraganda Mishelga ham jangga chiqib zarba o'tkazib, nokaut bo'lib pul olgandan ko'ra, muzokara qilib kelishuvga erishgani yaxshiroq.