15 may 10:57
Yangiliklar

Boks/MMA

Madrimovning vaznida mutlaq jahon chempioni aniqlandi

Bugun tongda AQSHning Kaliforniya shtati Los-Anjeles shahrida professional boks kechasi bo'lib o'tdi.

Inglvuddagi "Forum Stadium"da o'tgan oqshom doirasidagi jangda amerikalik Jermell CHarlo argentinalik Brayan Kastanoga qarshi ringga ko'tarildi. 12 raundga mo'ljallangan jang 10-raundda yakuniga etdi.

CHarlo kuchli zarbasi evaziga Kastanoni nokautga uchratdi va birinchi o'rta vazn toifasi tarixidagi ilk mutlaq jahon chempioniga aylandi.

Ushbu vaznda hamyurtimiz Isroil Madrimov ham jang o'tkazadi. U iyul oyida franciyalik Mishel Soroga qarshi jang qiladi. Ushbu jang g'olibi WBA yo'nalishida majburiy davogar bo'ladi va aynan CHarloga qarshi ringga ko'tarilish imkoniyatini qo'lga kiritadi.