Madrimovning vaznidagi Tim Czyu muddatidan oldin raqibini mag'lub etdi

Kechaning markaziy jangida avstraliyalik Timofey Czyu amerikalik Toni Xarrisonga qarshi jang o'tkazdi.

Ushbu jang birinchi o'rta vazn toifasida vaqtinchalik WBO kamari uchun tashkil etildi. 12 raundlik jang 9-raundga kelib o'z yakuniga etdi. 9-raund yakunlanishiga oz vaqt qolganda Czyu raqibiga zarbalar seriyasini uyushtirdi. Xarrison esa bu vaziyatda o'zini himoya qila olmadi. SHundan so'ng referi jangni to'xtatdi.

SHu tariqa Czyu birinchi o'rta vazn toifasining WBO yo'nalishida vaqtinchalik chempionga aylandi. 

Eslatib o'tamiz, ushbu vaznda to'rtta kamar amerikalik Jermell CHarloga tegishli hisoblanadi. 

O'zbekistonlik bokschi Isroil Madrimov ham aynan shu vaznda o'z janglarini o'tkazadi.