03 noy 11:54
Yangiliklar

Boks/MMA

Mahmud Muradov USADA nazoratidan o'tdi + FOTO

O'rta vazn toifasida o'zbekistonlik UFC jangchisi Mahmud Muradov USADA doping nazoratidan muvaffaqiyatli o'tib oldi.

Bu haqda hamyurtimiz o'zining Instagram sahifasi orqali xabar berdi. Muradov shu kunlarda CHexiyada navbatdagi jangi uchun to'liq rejimdagi mashg'ulotlarni olib bormoqda. U so'nggi jangidan so'ng tizzasidan jarohat olib, jarrohlik stoliga yotishga majbur bo'lgan edi.

Muradov olamsport.com muxbiri bilan suhbatda keyingi jangini 2024 yilning boshida o'tkazmoqchi ekanini aytgandi.

Eslatib o'tamiz, Mahmud Muradov (26-8-0) UFC'dagi so'nggi jangini 22 iyul kuni Londonda amerikalik Brayan Barberena (18-11-0)ga qarshi o'tkazib, ochkolar hisobiga ko'ra g'alaba qozongan edi. Hamyurtimiz UFC'da hozirgacha umumiy hisobda oltita jang o'tkazib, ularning to'rttasida g'alaba qozongan va ikkita jangda mag'lub bo'lgan.