Mahmud Muradov: "Xamzat ishtirokidagi markaziy jang o'tkaziladi, faqat..."

Reja bo'yicha MFL 6 kechasining markaziy jangi qirg'izistonlik Edil Esengulov hamda rossiyalik Xamzat CHapanov o'rtasida bo'lib o'tishi lozim edi. Ammo, jangga uch kun qolgan bir paytda Edil jarohat oldi. 

Xo'sh, markaziy jang bekor to'laligicha bekor qilinadimi? Tashkilotchilar Edilning o'rniga boshqa raqib topib berishadimi? Biz shu savollar bilan promoushen rahbari Mahmud Muradovga yuzlandik. 

"Jangga oz fursat qolganida Esengulovning jarohat olish yaxshi bo'lmadi. Lekin bu sport, unda shunday holatlar ham bo'lib turadi. Esingizda bo'lsa, o'zimda ham xuddi shunday sabab bilan jangim bekor qilingan edi. Jarohatlar sportning ajralmas bo'lagi.  

Hozir CHapanovga boshqa raqib berish ustida ishlayapmiz. Bugun chamasi 3-4 soatlarda bu haqda rasman elon qilamiz. Edilni almashtirishga tayyor jangchilar bor. Ularning biri bilan jang uchun shartnoma imzolaymiz", - dedi Muradov. 

Malumot uchun, 8 iyul kuni soat 20:00da poytaxtimizdagi "Anhor-Lokomotiv" parkida Face to Face (ko'z urishtirish) hamda oqshom ishtirokchilarini tarozidan o'tkazish marosimlari tashkil etiladi.