"Maktablarda dzyudo" dasturi ijrosi: Ko'zguda Toshkent viloyati FOTOREPORTAJ

“Maktablarda dzyudo” IJF loyihasi bo'lib, dasturning asosiy maqsadi 5-12 yoshli bolalarni dzyudo orqali ijtimoiy, talimiy va jismoniy ko'nikmalarga o'rgatishdan iborat. Ushbu maktablar IJF tomonidan taqdim etilgan tatami va kimonolar bilan taminlangan. 

Xabar berganimizdek, O'zbekiston dzyudo federaciyasining maxsus ishchi guruhi ushbu dzyudo to'garaklarining bugungi faoliyati bilan tanishishni boshlagandi. Ilk manzil Toshkent shahri Olmazor tumanidagi 29-umumtalim maktabida faoliyati yo'lga qo'yilgan dzyudo to'garagi bo'lgandi.  

Kecha ishchi guruh azolari Toshkent viloyatining Bo'stonliq tumanida joylashgan 6-umumtalim maktabida bo'lib, u erdagi dzyudo to'garagi bilan yaqindan tanishishdi. 

Faoliyat yurita boshlaganiga bir yil bo'lgan ushbu maktabda murabbiy Azamat Tursunqulov bolalarga dzyudo sir-asrorlarini o'rgatib kelmoqda. Hozirda bu maktabda 22 o'g'il bola va 2 nafar qizlar kuniga bir mahaldan mashg'ulot o'tkazishyapti. 

Malumot uchun, O'zbekiston Xalq talimi vazirligi, Xalqaro dzyudo federaciyasi (IJF) hamda O'zbekiston dzyudo federaciyasi o'rtasida imzolangan Memorandumga binoan joriy 2021 yilda mamlakatimizning yana yigirmata umumtalim maktabida “Maktablarda dzyudo” dasturi bo'yicha dzyudo to'garaklari tashkil etiladi.

O'zbekiston dzyudo federaciyasi Hakamlar qo'mitasi raisi Nag'monjon Mirzarahmonov murabbiyga esdalik sovg'asi topshirdi.