Malaka oshirish instituti hamda O'zbekiston dzyudo federaciyasi o'rtasida memorandum imzolandi

Yurtimizda sportning barcha sohalarini rivojlantirish, aholini sportga ommaviy tarzda jalb qilish orqali kelajagimiz egalari bo'lgan yosh avlodni har jihatdan etuk va komil inson sifatida ulg'aytirish, jahon arenalarida o'zbek sportchilari g'alabalari salmog'ini oshirishga yuksak darajada etibor qaratilmoqda. Bu borada sport talim muassasalari hamda sport federaciyalarining ham o'rni beqiyosdir.

Bugun, 26 iyul kuni O'zbekiston dzyudo federaciyasi hamda Jismoniy tarbiya va sport bo'yicha mutaxassislarni qayta tayyorlash va malakasini oshirish instituti mutasaddilari o'rtasida uchrashuv tashkil qilindi. 

Uchrashuvda yurtimizda dzyudo sport turi rivojiga alohida etibor qaratilayotganligi takidlab o'tilib, O'zbekiston Respublikasi Prezidentining 2022 yil 20 iyundagi “Dzyudo sport turini yanada rivojlantirish chora-tadbirlari to'g'risida”gi PQ-286-son qarorida belgilangan vazifalar ijrosini taminlash yuzasidan kadrlar tayyorlash, murabbiylar malakasini oshirish jarayonlari, ilmiy, o'quv-uslubiy ishlar borasida o'zaro hamkorlikni yanada kengaytirish masalalari muhokama qilindi.

SHuningdek, trenerlarni qayta tayyorlash va malakasini oshirishda yakuniy test va suhbat jarayonlarini federaciya mutaxassislari bilan birgalikda tashkil etish, dzyudo bo'yicha taniqli sportchilar va institut tinglovchilari o'rtasida uchrashuvlar, mahorat darslari hamda davra suhbatlari tashkil etish, mutaxassis va professor-o'qituvchilarning o'zaro tajriba almashishlarini yo'lga qo'yish, sohaga doir adabiyotlar, uslubiy qo'llanmalar yaratish, xorijiy mutaxassislar ishtirokida maruzalar, ilmiy-amaliy anjumanlar tashkil qilishga kelishib olindi.

 Uchrashuv yakunida O'zbekiston dzyudo federaciyasi hamda Jismoniy tarbiya va sport bo'yicha mutaxassislarni qayta tayyorlash va malakasini oshirish instituti o'rtasida o'zaro hamkorlikni yo'lga qo'yish to'g'risida memorandum imzolanib, kelishuv ikkala tomon uchun ham manfaatli bo'lishi takidlandi.