13 avg 14:26
Yangiliklar
Dzyudo
Mamatrahimov sharafiga Ekvadorda O'zbekiston madhiyasi yangradi + FOTO
Ekvadorning Guayakil shahri mezbonlik qilayotgan dzyudo bo'yicha yoshlar o'rtasidagi jahon chempionatining yana bir kuni ortda qoldi.
Quvonarlisi, kechagi kungi bellashuvlar O'zbekiston terma jamoasi uchun ham omadli keldi. -90 kg vazn toifasidagi bahslarda yurtimiz sharafini himoya qilgan Jahongir Mamatrahimov jahon chempionatining oltin medalini qo'lga kiritdi.
Ikkinchi davradan bahslarga qo'shilgan dzyudochimiz finalga qadar Aydar Aripov (Qozog'iston), Karl Baatxe (SHveciya), Aleks Kretni mag'lubiyatga uchratdi. Oltin medal uchun kechgan bellashuvda esa vengriyalik Peter Safranidan ustun keldi. Peter ilk uchrashuvidayoq yaponiyalik Todakani musobaqadan chiqarib yuborgan edi.
Eslatib o'tamiz, jahon chempionatining birinchi kuni Azizbek Ortiqov (-66 kg) O'zbekiston terma jamoasiga kumush medalni taqdim etgan edi.
O'zbekiston dzyudo federaciyasi matbuot xizmati
Havola :
Manba : t.me/judouz
Fikrlar