09 apr 19:26
Yangiliklar
Tennis
Marrakeshdagi turnirda finalchilar malum
Bugun Marokashning Marrakesh shahrida o'tkazilayotgan tennis bo'yicha ATP turniri yakuniga etadi.
Bosh sovrin uchun ispaniyalik Roberto Karbales Baena francuz Aleksandr Myullerga qarshi kortga chiqadi. Birinchi yarim final uchrashuvida ATP reytingida 82-pog'onada borayotgan Roberto Karbales-Baena dunyoning 30-raketkasi, britaniyalik Deniel Evansni 2/6, 6/4, 6/2 hisoblarida mag'lub etdi.
Bu tennischilarning o'zaro o'tkazgan ilk uchrashuvi edi. Ikki soatu 36 daqiqa davom etgan bahsda Karbales-Baena 1, Evans esa 2 ta eys zarbasini amalga oshirgan. Ispaniyalik 30 yoshli tennischi 2018 yildan beri ilk bor ATP turniri finalida o'ynaydigan bo'ldi. U Grand Prix Hassan II bosh sovrini uchun rossiyalik Pavel Kotovdan ustun kelgan Aleksandr Myullerga qarshi kortga chiqadi.
Havola :
Manba : gotennis
Fikrlar