18 iyu 09:07
Yangiliklar

Boks/MMA

Mavlud Tifiev 21 iyul kuni Rembo bilan jang qiladi + POSTER

21 iyul kuni Tailand poytaxti Bangkok shahridagi Lumpinee Boxing Stadium'da ONE Lumpinee 26 turniri bo'lib o'tadi.

Ahamiyatlisi, mazkur musobaqada yarim engil vazn toifasida o'zbekistonlik Mavlud Tifiev ham navbatdagi muay-tay jangini o'tkazadi. Hamyurtimizga o'sha kuni tailandlik Rembo Mor Rattanabandit raqiblik qiladi.

32 yoshli Rattanabandit ONE FC ligasida bitta jang o'tkazgan. Avstraliyalik Tayson Xarrisonga qarshi kechgan bahsda u nokautga uchrab, mag'lub bo'lgan edi.

Mavlud Tifiev uchun bu bahs ONE FC ligasidagi to'rtinchisi bo'ladi. U bundan avvalgi uchta jangining bittasida g'alaba qozongan, qolgan ikkitasida esa mag'lubiyat alamini totib ko'rgandi.

ONE Lumpinee 26 oqshomi 21 iyul kuni Toshkent vaqti bilan soat 17:30 da boshlanadi.