Mavlud Tifiev ONE FC'dagi navbatdagi jangida tajribali raqibini mag'lub etdi

Avval xabar berganimizdek, mazkur musobaqada yarim engil vazn toifasida o'zbekistonlik muay-taychi Mavlud Tifiev navbatdagi muay-tay jangini o'tkazdi. Hamyurtimizga tailandlik Yodpxupa Vimanair raqiblik qildi. 3 raundga mo'ljallangan jang to'liq davom etdi va unda ochkolar hisobiga ko'ra Mavlud Tifiev g'alaba qozondi.

Malumot uchun, Tailandlik Yodpxupa faoliyati davomida umumiy 76 ta muay-tay jangini o'tkazgan va ularning 63 tasida g'alaba qozongan, o'nta jangda mag'lub bo'lgan. Yana bir jangi esa durang bilan yakunlangan. Uning Mavlud Tifievdan qabul qilib olgan mag'lubiyati faoliyatidagi o'ninchisi bo'ldi.

Mavlud Tifiev esa ONE FC ligasidagi o'zining beshinchi jangini o'tkazdi. U bungacha ushbu ligada ikkita g'alaba va ikkita mag'lubiyat qayd etgan edi. Mavlud bu jangi orqali ONE FC ligasidagi rekordini 3-2 ko'rinishiga keltirdi.